- తపస్ క్యాలెండర్ ఆవిష్కరణలో బండి సంజయ్
హైదరాబాద్, వెలుగు: రాబోయే టీచర్ ఎమ్మెల్సీ ఎన్నికల్లో బీజేపీ అభ్యర్థులను గెలిపించాలని కేంద్ర మంత్రి బండి సంజయ్ కోరారు. ఆదివారం బీజేపీ స్టేట్ ఆఫీసులో తెలంగాణ ప్రాంత ఉపాధ్యాయ సంఘం(టీపీయూఎస్) క్యాలెండర్ను రిలీజ్ చేసి, మాట్లాడారు. విద్యార్థుల్లో నైతిక విలువలు పెంపొదించాలని టీచర్లను కోరారు. భారతీయ సంస్కృతి విలువలను కాపాడటం కోసం తపస్ కృషి చేస్తోందని కొనియాడారు. దీనికి నిదర్శనమే క్యాలెండర్‌‌‌‌పై ‘పంచ పరివర్తన’ ప్రింట్ చేయడమేనని తెలిపారు.
ఈ కార్యక్రమంలో తపస్ రాష్ట్ర అధ్యక్ష, ప్రధాన కార్యదర్శులు హన్మంతరావు, నవాత్ సురేశ్‌, ఏబీఆర్ఎస్ఎం నేత విష్ణువర్ధన్ రెడ్డి, తపస్ రాష్ట్ర అదనపు ప్రధాన కార్యదర్శి తెల్కలపల్లి పెంటయ్య, రాష్ట్ర నేతలు భాస్కర్, నవీన్, శివ, బాలరాజు తదితరులు పాల్గొన్నారు.
